Un mèr zàl d’girasùl
u’m’ ven incòtar
lòng a una strè
che la s’ perd int’ e’ vèrd
dla campagna rumagnòla.
Un cunzèrt d’cicàl
che l’imbarièga
una fila d’piòpi,
e va a fè cumpagneja
a e’ buldèz
d’un instè infughida
che la indurmènta la bàsa.
E da un canalòn
che còr vèrs e’ mer
un airòn biànc
u’ s’èlza in vòl
par turnè a e’ su nid
a la zò int la val
Estate nella bassa
Un mare giallo di girasoli/ mi viene incontro/ lungo una strada/ che si perde nel verde/ della campagna romagnola.
Un concerto di cicale/ che ubriaca/ una fila di pioppe/ va a fare compagnia/ alla calura/ di una estate infuocata/ che addormenta la bassa.
E da un canalone/ che corre verso il mare/ un airone bianco/ si alza in volo/ per tornare al suo nido/ laggiù nella valle
RENZO ROSSI (secondo classificato alla XXII edizione del concorso di poesia dialettale romagnola SAN MARTINO D’ORO)
