La brasula artifiziêla
di Franco Ponseggi — Bagnacavallo
A jò sintù, e e’ pê ch’e’ seja e’ véra,
che adës i fa al braðul cun e’ bastõn,
i met insẽn de’ ziþ, alvẽn, spagnéra,
j’armescla e pu i fa tot un grând pastõn.
E’ pê ch’i druva nẽnc dla pampanéra,
e soia, rið e fêva e furmintõn,
e di fasðul… cun tota la gambléra
e i la stãmpa in tre-di, tre dimensiõn.
Mo me a jò þa capì cun un’ucêda
ch’la n’è una röba adata a i rumagnul,
e alóra cun e’ cãn me a l’ò pruvêda.
E lo, e’ puret, cun òna d stal brasul,
pr’arfês la boca dop ch’u l’à magnêda,
u s’è lichê mëþ’óra e’ buð de’ cul.
La braciola artificiale
Ho sentito, e pare che sia vero, / che adesso fanno le braciole con il bastone, / mettono insieme del cece, lupini,erba medica, / mescolano e poi fanno tutto un gran pastone. // Pare che usino anche della foglia di vite, / e soia, riso e fava e granoturco, / e dei fagioli… con tutto il fusto / e la stampano in 3D, tre dimensioni. // Ma io ho già capito con un’occhiata / che non è una roba adatta ai romagnoli, / e allora con il cane io l’ho provata. // E lui,poveretto, con una di queste braciole, / per rifarsi labocca dopo che l’ha mangiata, / si è leccato mezz’ora il buco del culo
